san catallu

Ed è bella San Catallu!
Ridi ntre na cullina a facci suli
cu na parlata ca sapi di meli

Ppì la so antica fama patriota
di chiamarisi città fu onurata.

Garibaldi cci vinni a pirnuttari
a nantra banna non cci vonzi iri.

Ha datu sinatura e diputati
lu primu Presidenti a la Regioni.

E tanti figli so' ca su emigrati
si fannu onuri nni li Nazioni.

E fa la Scinnenza lu Venniri santu
ch'è bella ppi ricchizza e ppi talentu

Avi chisi, avi scoli e belle strate
e un cursu drittu lungu milli metri.

Cu veni a San Catallu ppi na vota
...resta: un sinni va cchiù tutta la vita.

CALOGERO PILATO NOVEMBRE 1993.

TRATTA DA: ANTOLOGIA DI POETI SANCATALDESI DI A. MARUZZELLI

LU CHIANU DI LU CASINU

L'unnici marzu
di martidì matinu...
agghiurnà na ruspa llu chianu di lu Casinu.

La chiazzetta tutta sdirrupata,
pari la pirrera di Tabita.

Si l' antichi lu vinissiru a sapiri...
di lu dispiaciri,
ppi la sicunna vota..
putissiru muriri.

Chiazzetta bedda!!
regina, di tutti taliata...
Ora si ladia cumu na criata.

Ppi li picciliddi...
La duminica di Carnalivari c'era festa:
ora si un Sampauluni senza testa.

Si la lassavanu accussì cum'era,
ppi la gioia appizzassimu la bannera.

Li tassì li ficiru sdignari,
pirchì manca lu largu ppi postiggiari.

Pari na minestra calliata,
ora è...na mannira recintanta.

Li Sancatallisi....
t'avimu nni lu cori,
ri ricurdamu sempri ccu tantu amuri.

GIUSEPPE RIGGI DA ANTOLOGIA DI POETI SANCATALDESI DI A. MARUZZELLI.