Detti e proverbi Sancataldesi !!!

Buon anno a tutti !!!!!

Inizia un altro calendario
tuttu nuvu e sconosciutu
nni chistu itinerariu
ci sarà timpu bellu, e anche bruttu
chiddu cca veni bisogna pligliarlu tuttu,

amore, gioia e pace, chistu jè l'auguriu
cca fa scompariri l'odio, la guerra e u digiuno
cca tutti possonu avere un pezzu di pane
e nuddu ava murire di fame.

Vugliu la pace ppi stu munnu
cca je tantu canciatu
ma jè sempri tunnu
desideriu di concordia fra le nazioni
cca gli uomini sianu tutti chiù buoni,

perdunannu , dimenticannu,
potremmu essere di pace ambasciatura,
comu a Betlemme, davanti a lu Bamminu
lu ficiru i pastura,
sentiri accussi rumpiri li catini
un gestu supremu di libertà e senza pene,

aju la voglia di tuccare u cielo con un jito
sapinnu cca je ben custoditu
chinarsi sul fratello poviro e malatu
ccu lu core inteneritu
e scoprirsi riccu di umiltà ppi averlu servitu,

sentire un forti ventu di spiranza
svintuliare sulle ingiustizzie umane
vediri un munnu giustu,
di fraternità e coerenza
cca nascissiru , omini con menti sane,

taliare u sorrisu di un picciliddu
luminosu cumu chidda stella
ccu so mà sempri vicinu
chistà sarebbe la cosa cciu bella!!!



AUGURI!
AL COMMANDO NEUROPATICO

Cu' di vecchi si 'nnamura
poi si chiangi la vintura
:
L’amuri è ‘na cosa tantu strana
è midicina, cc’à firiti sana
si veni menu la cosa si senti
facennu stari mali tanta genti

È un focu cca ‘n cori st’ agnuniatu
fa danni sulu quannu è sbampatu
pi tanti provucatu havi ruvina
si stringi, pari ca fussi catina.

All’apparenza pari cosa bona
A cu lu prova subbitu cc’attona
ma va sumministratu cu misura
comu la midicina dopu ‘a cura

A li voti addiventa malatìa
pi li vecchi è comu ‘na manìa
cci pari chi l’attisa, poi l’allenta:
brodu di ciciri è, supra ‘a cuccia

Tra li picciotti provuca scintilli
li vecchi si risentinu mandrilli
la giuvini cu gran disinvultura
succeri chi d’’u vecchiu si ‘nnamura

Quannu l’amuri veni ricanciatu
lu vecchiu bonu è puru allintatu
e si la donna allura si ‘nnamura
secunnu mia lu fa pi cugnintura

Anchi si poi cci trova lu sapuri
un pò mistificallu comu amuri
la strata l’havi tutta ad acchianari
e prima o poi su, cazzi di calliari

Basta chi poi la fimmina lu pungi
veddrari cci spuntanu comu fungi
e spissu s’’i malanni sunnu seri
ringnazzia a Diu si si manteni ‘m pedi

Rusidda si spusau cu Peppi juncu
havi di tannu chi cci leva ‘u morbu
ormai trintina e cu lu cori ‘n panni
nun detti pisu a lu divalu d’anni

Ancora tisu, jiva p’’a sessantina
facìa atletica di prima matina
facìa ‘na vita di riccu spunnatu
e Rusiddra taliò sulu a ssu latu.

Poi passau picca chi s’allitticau
a Peppi ‘a nirvatura cc’allintau
li sforzi, a certa età, nun calculati
hannu gustu d’amari vastunati

Megghiu di nenti lu maritu anzianu,
si dici, quannu lù teni ppi manu
ma Peppi detti tuttu ad allintari
e puru la manu cc’appi a lassari

Na li natichi cci spuntaru attriti
chi nun c’eranu certu mentri ziti
segnu chi chistu è lu risultatu
cha si piscia di supra e sta vagnatu

L’arteri vannu sempi a ‘ncarricari
tuttu lu jornu lu passa a vuciari
e cu l’età cha va annavanzannu
tutti li vaddari vannu assummannu

La vista fa scherzetti chi ‘un vi dicu
talia ‘i miluna e cci parinu ficu
pi ‘ntisa surdu comu ‘na campana
e ‘a milinciana la senti banana

‘Stu vecchiu ch’è di vaddari attipatu
mancu lu ciancu cci teni quariatu
Rusiddra ora si chiangi la vintura
di chiddra chi d’’i vecchi si ‘nnamura

Cu dici donna spissu dici dannu !!!!!!!!!!!

U gnornu ‘u Patraternu essennu pazzu
parturiu l’omu cu varba e lu mustazzu
lu fici e si livò l’urtimu pisu
e ruvina accussì lu Paradisu

Avìanu statu cueti ccù l’armali
prima di la prisenza di ‘stu tali
s’aiutavanu di qualunqui razza

Jeru li cosi prestu a piggiurari
quannu la cumpagnia cci vonzi fari
fici ‘na ‘gran fuddìa lu Patreternu
e ‘n Paradisu successi l’infernu

P’’i scarsizzi nun la cummigliau
e nuda a l’omu cci la presentau
chiddru, appena la vitti senza gonna
‘un potti fari a menu a diri: donna!

E accuminciaru tannu ‘i primi guai
era megliu nun avillu dittu mai,
ma lu ‘mbrogghiu lu fici lu Divinu
chi cosa putìa fari ddru mischinu?

Iddra si lu chiamò subbitu a sulu
e lu striggliau, di bonu, comu un mulu
l’assistimau mittennuci la seggia
e doppu pocu, puru la vardeddra

Lu suttamisi comu Diu cumanna
L’addumisticau usannu nirbu e canna
cci dissi nun circari n’autru aiutu
o ti lu conzu bbonu lu capistru.

Poi cumminò la prima minghiata
si mancìò ‘u pumu e lassò la racina
Diu arriccumannau la pecura ô lupu
e havi di tannu chi l’omu fà ‘u pupu

Assicutata fu, l’omu d’ appressu
d’essiri dimustrau senza chiù senzu
di la raggiuni avia persu lu filu
pi lu miraggiu di lu malu Pilu

Cci fici l'amuri quasi a scattafeli
perciò ‘ncinta e parturiu lu figghiu Abeli
riprovò chi facìa tanfu di vinu
ê novi misi si presentau Cainu

Lu munnu vinni allura populatu
d'un omu bbonu ed unu smiduggiatu
ma l’amicizia tra ‘sti dui nun tinni
e chiddru bbonu cci lassau li pinni

Nun si firmau pi chistu lu progressu
tanti autri figghi cci nasceru appressu
tra ‘i cosi chi la zoccula pò fari
la cchiù facili è comu procreari

Pi comu accuminciò malu ‘stu munnu
abbia firriari avìa a finiri ‘n funnu
era sulu scummissa fatta e persa
almenu chè, firriassi a l’arriversa

Cc’era davveru picca di spirari
vistu di cu si vinni a populari:
di menti tinti e di genti mischini
radici d’Eva e di mali vicini.

La donna trascinò l’omu a la morti
e tra li sessi fu, chiddru cchiù forti
e vistu ch’era donna la raggiuni
fici la parti l’omu d’’u minchiuni

Cu’ dici donna havi di pinzari
prima di dillu, dunni va a parari
sutta la gonna si cela lu ‘ngannu
cu dici donna, spissu, dici dannu.

:

Lu Megghiu avvocatu è ‘u bonsenzu

Quattru amici oramai vecchi e purriti
ficiru sucità pi stari uniti
e giuraru ch’avissiru ogned’unu
unu pi tutti statu e tutti pi unu

‘Sta sucità filava senza ‘ntoppi
unu battìa a dinari e l’autru a coppi
finu a quannu nun cci foru ‘nteressi
li patti si mantinniru li stessi

U gnornu stanchi di llicari ossa
decisiru di jiri a caccia ‘grossa
e si ‘stu vizziu a tarda età ritorna
è giustu diri: “’’nna vicchiaia corna”

Cacciaru da matina a quannu scura
‘mmezzu li disi di tutta ‘a chianura
beccaccini cacciaru, cuniglia, e quagghi
di tutti ‘i mmustri e di tutti li tagghi

‘Sta sucità, ‘fatta , d’armali
pi tutti prevedìa, buttini uguali
a lu spartiri poi spunta la sciarra
puru l’onestu prima o poi ti sgarra

Un granni ‘i megghiu parti pritinnia
‘n’autru, :’immeci: li megghiu su ppi mia”
e s’appizzaru comu ‘i cani ‘i gatti
e di la sucità saltarunu ‘i patti


Vistu chi ognunu si sintia arrubbatu
circaru d’affidarsi a un avvocatu
avvocatu chi fussi senza uguali
unu cu sutta, tanti di stivali......

E d’avvocatu si ni truvaru unu
Cha ppi picca travagghiu muria addiunu
e vistu chi nun appiru autra scelta
lu ‘nterpellaru e li cunzò ppi la festa

Pur si fiaccu, sapia ‘i trucchi di l’arti
comu mettiri paci ntra li parti
arriva e leva li diversità
li pezza ‘grossi li tagghia a metà

Poi chi chiacchiari lestu li ‘mpidugghia
canzi riscusi megghiu di ‘na gugghia
chiddru chi fa decidi ch’è ben fattu
sultantu picchì è avvocatu ‘attu.

A li ‘amici ’attuccaru sulu ‘i scarti
cu’ sparti nn’havi sempi ‘a megghiu parti
si u pazzu un pezzu ‘grossu pritinnìva
subbitu l’avvocatu: “chissu a mia”

Doppu chi si finìu la spartimogna
attucca all’avvocatu la cuccagna
arristaru l’amici litiganti
cu l’occhi chini e li manu vacanti

Un avvocatu pur latru e balordu
appena arrivarunu li misi d’accordu
pi chissu spissu jò penzu e ripenzu:
chi quasi sempri è megghiu ‘u bonsenzu ]

:


La mala sorti di li centu crasti

Un picuraru di la ficuzza
pecuri e crasti nna mannara avia
crasti nni mantinia du’ cintinara
robba di carni pi li macellara

Appena foru pronti ppi scannalli
un macellaru vinni ppi pattialli
c’u picuraru vinni cuncurdatu
chi a dui a dui l’avissi scannatu

Li crasti a ‘sta sintenza senza appellu
nna la mannara ficiru un macellu
si misiru d’accordu... decretaru
di pigghiari a curnati ‘u macellaru

Lu cuntu fattu e crasti nun turnava
di morriri scannati nun quatrava
e si a la fini lu cuntu nun torna
s’un pò la testa, cci ponnu li corna.

Ma centu testi, centu testi crasti
‘un sappiru maniari ‘i giusti tasti
la pignata ‘n comuni ‘un vugghi mai
e nun si nni nisceru di li guai

Ô tempu stabbilitu ‘u macellaru
nni vinni a prelevari un doppiu paru
ma ogni crastu grazziatu, ripitìa:
“vinni ppi iddru, nun vinni pi mia”

Ogni vota, era sempi ‘a stissa storia
li crasti disignati, jianu ‘n gloria
ma ogni crastu grazziatu, ripitìa:
“vinni ppi iddru, nun vinni pi mia”

L’urtimi crasti nun appiru scampu
lu macellaru li scelsi ‘nn’on lampu
ognunu sbalurditu ripitìa:
“lu macellaru chi vinni pi mia?”

Si la pignata nun voli bulliri
comu a li crasti ni pò ghiri a finiri
è giustu allura di far riflessione
pignati usamu di chiddri a pressione

:

NEI MOMENTI DI CRISI

U POLITICU CCA VUlISSI


A politica, si sapi è disgraziata
E a genti ‘mmalidici a cu l'ha invintata.
I politici pensunu sulu a li cazzi so
E campari bonu nun si pò.
A spiranza ppi nòi è sempri a stessa
Ca ci fussi unu ca pensa ppi stu fissa.
Ju, ni vulissi unu ca nun fa raccumannazioni,
ca sulu ppi mia facissi n’eccezioni.
Ci ni voli unu ca nun fa compromessi,
Ma ci dugnu u votu, su fà li me interessi!
Onorevoli, lei nun s’ha occupari di affari!
... A propositu,ppi l’appaltu ca ma va procurari?
Lei s’ha occupari dei bisogni di la genti!
Ma, ... su cci dugnu u votu, nun mi duna nenti?
Ju, si sapi, votu sempri cu coscienza,
sulu a cu mi favorisci dò la prefirenza.
Ma trovu sempri disgraziati,
ca macari cu l’avidi fannu patti scellerati.
Onorevoli, favurissi sulu a mia e nun si sapi nenti,
lassa stari a l’avidi ca su un pugnu di delinquenti.
Cu tutti a essiri precisu e misuratu,
tranni cu mia, ca mancu t'ha vutatu.

nun fari cosi sutta a lu funnu
cca lu sapi tuttu u munnu

la furca jè ppi lu poviru
e la giustizia ppi lu fissa

cu avi li dinari è amicizia
teni n'culu la giustizia

nun disprizzare la petra ninuta
cca servi ppi appuntare la valata

fiumi cca dormi
nun'jeri a piscari

cani e buttani di vicchi murinu di fami

si nun pinsi a lu futuro
a la testa cciu dura d'un mulu

cu cunta ci mitti la junta

quannu vinciri nun si pò cerca la paci

quannu scura mala sira
ritirati prestu d'aura

Quannu la donna si metti a naticari
S'un nn'è caduta sta ppi cascari

Cuntu ‘sta storia chi è di ‘na donna
Bedda di facci, e corpu di culonna
chi quannu l’omu si metti assapurari
smunta ‘u tistali e duna a natichiari

Maria di nomu “la Musea” ngiuriata
pi la so’ vita tantu arritirata
va p’’i vint’anni a tarda primavera
era mmustra di ‘na donna sincera

Parlava picca e ‘u mussu avia di cira
porti attangava appena viniva sira
e p’’u scantu d’aviri dintra latri
a nuddru cchiù crapìa, mancu a sò patri

Passava ‘u tempu comu ‘na badissa
sulamenti niscìa pi jiri a missa
vistìa cumposta, cu abiti ‘ncollati
e ‘un si fidava, mancu di sò frati

Pi strata si mittìa li corna ‘n terra
li natichi ‘un facìanu ‘u serra serra
cu l’anchi nun cci dava ad annacari
e jdda passiannu senza sculittiari

Vivìa isulata comu ‘n’eremita
anchi si cci piacìva farisi zzita
ma nuddru s’avìa ancora fattu avanti
quasi vint’anni e nuddru spasimanti

U gnornu ‘n casa cci scappa lu focu
iddra s’’a scanza, ma sulu pi pocu
jiunci un pumperi la viri ‘n calura
lu focu assuta,e poi d’ iddra si cura

Appena ‘anticchia la fa tramazzari
l’occhi s’’i rapi e lu va p’abbrazzari
l’omu chiarisci: “jò sugnu ‘u pumperi”
iddra arrispunni: “pi tia sugnu Meri”

Nun si tira ’nnarrè, ‘u fa pi duveri
su ‘i periculi chi curri ‘u pumperi
tutti li fochi chi vannu a sbambari
puru ch’un voli l’havi ad astutari

E cchiu cci ciuscia, cchiu lu focu sbampa
pari ch’ammanza, inveci cchiu l’abbampa
è fiamma chi si spanni in ogni locu
è ‘na binzina chi pigghiau focu

‘Nna la so testa scucca ‘na scintilla
nun perdi tempu chi tutta s’attilla
si metti ‘i gonni c’’u spaccu e assintati
curti du’ parmu chi parinu jsati

Poi ‘a culonna si pitta ‘i capiteddri
si ‘nciminnia cu tanti zagareddri
lu mussu ch’ avìa la cira di supra
è ‘nzivatu ora di cira ri Cupra

Pi strata vannu ‘i natichi a sirrari
biati ddr’occhi chi ponnu taliari
si l’indoli mustrava aviri schivu
ora dimustra ch’è un focu vivu


Fuddria d’amuri chi tuppulia ‘a porta
cc’è lu pumperi chi l’appi pi morta
vistu chi “Meri” misi a natichiari
picca cci manca chi sta pi cascari.

Lu sacciu cca nun aju cchi vent'anni
e lu me cori je chiunu di dispiaciri
o pacchianella bella di tia m'innammurai
sempri vicinu a tia vugliu ristari.

Fior di cucuzza
la donna a 15 anni e mezza pazza
e dopoo i 15 anni e pazza tutta
fior di cucuzza

Cumu ti pinsu
nun me lu cridiva cc'a t'amava tantu
ca t'haiu amatu ppi passare u tempu
cumu ti pensu

Spicchiu di agliu
nun mi viniri appressu cca nun ti vogliu
ca tini l'orecchi comu lu ventagliu
spicchiu di agliu

Fior di velluto
avevo un uccellino mi è volato
avevo un grandi amuri è l'haiu perduto
fior di velluto

Acqua currenti
la paci vugliu fari ccu l'amanti
che quannu mi lassasti jeru innoccenti
acqua currenti

acqua di ruggia
hai vistu cumu lo cori miu s'arraggia
s'arraggia a pocu a pocu e si distruggia
acqua di ruggia

Fior di limunì
ccu la farina si ci fà lu pani
e ccu li fimmini si cì fà l'amuri
fior di limuni



Cantata,ballata ta TANIDDU BLO' ppi cintu liri

:ch

Un populu mittittici’ a catina
spugghiàtilu
attuppatici’ a vucca

è ancora liberu

levatinci’ u travagghiu
u’ passaportu
a tavola 'unni mangia
u’ lettu unni dormi

è ancora riccu.

Un populu diventa poveru e servu
quannu 'nc’ arrobbanu 'a lingua adduttata d’i patri
è persu pe’ sempri

diventa poveru e servu
quanno i paroli nun figghianu paroli
e si mangianu intra d’ iddi

mi n’ addugnu ora, mentre accordu a chitarra
du ddialettu ca perdi ‘na corda 'gni iuorno

erry:

Da Tanu u paesanu