Detti e proverbi Sancataldesi !!!

      

UNNI A FATTU L'ESTATI ORA FATTI LU INVIRNU

CU AVI CHIù CORDA PIGLIA U PURCU

CRAPI E API LASSA FARI A CU NI SAPI

A CORDA  GRUPPA GRUPPA.......CI VA NU MEZZU CU NUN CI CURPA

SI LU RICCU NUN JE PAZZU....LU POVERU NUN PO VIVIRI.

MEGLIU MORIRI E LASSARI CA CAMPARI E PINIARI

U SACCU CI DISSI A LA MASSAIA ....RISPARMIA QUANNU U FUNNU NUN SI VIDI

    

    

S.Pitru cì dissì a S. Giovanni
Animi sfilati
Fimmini varbuti
e facci di malu culuri
guardatinni cca ci appizzi li pinni

    

     


E vinni a cantari all'aria scupertu
unni ca fu cunclusu lu nostru pattu.
Si mi dici di sì cent'anni aspettu
si mi dici di no cessamu l'attu.
Pigghiu un cuteddu e mi scassu lu pettu
dintra ci truvirai lu to' ritrattu.


      

      

Ranni è lu "Regnu" di la verità!
Ranni assai...
Cù s'affaccia a sta finestra
non la chiudi mai ...
E' comu l'acqua immensa di lu mari
chi na scoccia di nucidda
non pò mmai livari.
Ppi sta "Scienza" occurri:
talentu, mudestia e 'spirienza.
Mai fidarisi di vecchi cridenzi,
mai aviri tintinnamenti
e mmai diri falsità:
la verità punisci senza pietà ...


       

cu muli caccia e fimmini cridi
glori di paradisu nun ni vidi

Uno lo scrivo io, me lo disse una persona anziana che se la stava facendo sotto (non so se è già stata scritta)

Migliu 50 chila ncapu i spaddri ca 50 grammi nculu.

ma quantu è beddra la fimmina n'campagna
pari na pirsica mmizzu a la vigna

siamo prossimi alla pasqua e allura:
lu Verbu sacciu e lu Verbu iè diri
lu Verbu ca lassà nustru Signuri
quannu acchianà la cruci ppi' muriri
lassa' lu verbu a nuantri piccaturi
o piccaturi,o piccatrici
talia sta' cruci quantu è rranni assai
ma quantu è rranni ma quantu è bella
ca stenni un vrazzu ncilu e l'antru nterra
nni la valli di giosifà
ranni e picciddri ama essirri ddrà
ca u iurnu du giudiziu arriverà
cala San Giuvanni ccu lu libru a li manu
tutti cci addumannirimu perdunu
la Matri Santa rispusi e dissi:
cu sapi lu Verbu e nun lu dici
iè mpilatu nni la pici
cu lu sapi e nun lu mpara
iè mpilatu nni la carcara
cu lu dici tri voti lu sabatu a diiunu
guadagna seicent'anni di perdunu

     

Donni a vasari e lumachi a sucari
sunnu du’ cosi ch’un fannu saziari
               
Lu babbaluci  è  vermi di terra
porta ‘a curazza còmu jissi ‘n terra
è ‘na  rulotti a fòrma di cunchigghia
chi nun lu sarva sùpra la ‘gradigghia
                 

Lu  ‘rossu, di culùri è maroni
chiamatu cu lu nòmu ri crastuni
sicuramenti è lu chiù carnusu
e spissu vali a cànciu di curnutu


‘Na donna chi si mòvi lenta e ciucia
nun vinirrà mai drìtta babbalucia
ma si si movi lènta comu ‘mbriaca
cci  dirrannu cha pari  lumaca
                 

Sempi marruni, mà cchiù nicareddru
un babbaluciu è l’attuppateddru
 chiddru chi tra li pètri sta agnuniatu
 attuppateddru è dittu attuppatu


Lu diri  babbalùciu è lesivu
comu diri striscìanti, chinu ‘di sivu
comu diri vavùsu e dissangatu
p’’i gusti fini, dì corna appistatu
                 

Appena chiovi  vànnu  a cusciuliari
chi corna ‘n susu pì megghiu taliari
vannu firriannu còmu li  sbandati
 pari ‘na festa : ‘a sàgra di curnuti


Si dici chi mittènnusi associati
chi suli corna mòvinu balati
però a mia  mi pàri fantascienza;
a li corna ‘un cc’’a fàzzu ‘sta putenza
                 

Si unu chi havi còrna, fa l’avar
si soli diri chì nn’havi un panaru
un panaru di tànti babbaluci
comu si fussi càrricu di punci


Cu ‘stu vermi si fànnu li pitanzi
chi la delizia sù d’’i megghiu pranzi
misi ‘nna l’acqua appèna chista scotta
c’’u pumaroru e l’àgghia conza ‘e ghiotta


È bonu annigatu ‘nnà l’aglia pistata
accumpagnatu dì ‘na gran cannata
di vinu vecchiu dì, chiddru d’’annata
chi a runfuliari a lèttu prestu manna

Cci voli l’arti pì fallu scasari
un corpu ‘n culu, pòi l’autru a sucari
è ‘na cosa accussì tantu  licchetta
si unu è ‘m mucca cc’è l’àutru ch’ aspetta

‘Stu suca e tira nùn porta a stancari
pi chissu ‘un si finìssi di sucari
e picchì è ‘na còsa tantu  duci
chi pò finiri cù li  babbaluci


‘Na cosa chi cci pò rassumigghiari
è l’arti di li fìmmini vasari
arti nobbili dì li fimminara
e cu nn’havi chiossài purviri spara
                     
Fungia cu fungia, fàllu è dilizia
speci s’ancora è  cosa primizia
ma lu piaciri tànnu è ch’abbunna
quannu la lingua ‘nnà la vucca affunna


Fari piaciri pò, a pizzicuneddru
oppuru a volu , còmu fa l’aceddu
ma s’’u vasuni arrìva ‘nna lu cozzu
la donna cedi ed è: o chiaja o bozzu


Si cci fussiru fìmmini a vasari
masculi nun mancàssiru a pruvari
picchì chistu è lù veru piaciri
chi l’omini vulìssiru sintìri

Pruvari ‘stu piacìri havi un prezzu
roppu d’’u gustu vèni lu disprezzu
la donna  ‘u  ‘nganna e lù ridduci puru,
comu ‘u fici natùra : nudu e crudu  
                 

Chistu comunqui è sulu un dettagliu
dicu ‘sta cosa, cèrtu chi nun sbagliu
"donni a vasari e lumachi a sucari
  sunnu du’ cosi ch’’un fannu saziari"

         

Sulità santità
pani picca e libertà