Detti e proverbi Sancataldesi !!!

                       

Canta viddranu canta lu tò amuri
mmezzu li favi e mmezzu lu lavuri
Chiuri chiuriddru miu si mi senti
ti tegnu nta lu cori e nta la menti

beddra di l’arma mia beddra di l’arma
iu lu me cori ti lu dugnu a sarma
pi s’ ucchiceddri to canciu stà terra
lu cori mi lu dugnu pi caparra

canta viddranu li to sentimenti
canta viddranu la beddra ti senti
A paraguni di st’amuri ardenti
Lu suli chi mi coci nun è nenti

Lu suli è comu luci e cannileddra
A paraguni di stà picciutteddra

E li biddrizzi di tutti sti ciuri
'Un hannu paraguni cu st’amuri
Canta viddranu canta lu tò amuri
mmezzu li favi e mmezzu lu lavuri

mi sentu un merlu mmenzu stà campagna
un merlu chi si cerca la cumpagna