Detti e proverbi Sancataldesi !!!

Lu tamburu nta lu cielu
era tempu chi trunava,
era scrittu nto Vangelu
chi la morti ormai arrivava

cu la vesti comu ventu,
un diluviu supra 'i casi,
na culata di cementu
comu fauci chi trasi,

tagghia ciumi, li muntagni,
li paisi senza luci,
niri favuci di fanghi,
un Calvariu senza cruci,

senza strati e ferruvia,
sbalancati tutti 'i porti,
a cavaddu in ogni via
lu triunfu di la morti.

.


Era tempu chi batrteva
ddu tamburu dintra 'a testa
e lu populu sapeva
chi vicina era la festa,

chi si supra la buscagghia
un incendiu c'è ogni sira
quannu chiovi 'a terra squagghia
comu focu cu la cira;

chi a fiumara non pirduna
li licenzi d'u Cumuni
e s'incontea 'i palazzuna
si li mancia c'un buccuni.

Lu Calvariu era privistu,
a scavari sunnu pronti,
manca sulu quarchi Cristu
pi pinsari sulu 'o ponti.

Nenti acqua e ditirsivu
nta lu secchiu oggi ci misi,
sulu sangu russu vivu
pi lavari stu Paisi.

'N terra jttata resta muta
cu sò figghiu chi si squagghia,
dormi 'a vecchia e non ascuta
'nzoccu abbrucia sutta 'a pagghia.

Un abbortu pi l'abbili,
'na nuttata supra 'a panza,
ntra li cosci lu vacili,
clandistina nta na stanza

Non dormi e si scantau
d'u "pacchettu sicurizza"
unni 'a liggi si 'mmiscau
cu l'infamia e l'ingiustizia,

quannu spinci a li maistri
e ai dutturi a dinunciari
li straneri senza visti,
chi si scantanu a campari.

Li badanti non su' donni,
clandistini porti porti,
e li medici culonni
d'u Guvernu di la Morti

“Lu matrimonio “

Amici s’ascutati lu me cuntari, del matrimoniu du cumpari vogliu parlari,

era di maggiu e tinia caluri e si spusai cu tantu amuri,

‘na signurina graziusa e bedda ch’era lucenti comu ‘na stidda.

E quannu si spusai, in casa mia, ficimu fistinu in allegria.

Manciari e viviri pi li ‘mmitati, tutti cuntenti l’abbiamo lasciati,

ci dissi a idda cu tantu affettu: - amuri guarda la stanza di lettu.

E quannu furonu suli ‘nti la stanzetta si livau li ‘nguanti e la giacchetta;

ci dissi: - cara lesta a spugliariti, nun vidu l’ura d’abbrazzariti;

idda mi dissi: - timida sugnu, spegni la luci ca mi vergugnu.

P’accuntintalla la luci astutai, ma quannu l’addumai, matri chi guai !

E ci ristai quasi ‘ntrunatu, bustu e panzera s’avia livatu,

poi la parrucca si la sfilava, ‘nto comodinu la cunsirvava.

E mi strammaru puru li sintimenti, quannu ci vitti iu livari li denti.

Si fuma la pipa, si vivi lu vinu, si strica lu nasu ‘nta lu cuscinu

e si ci fazzu un’osservazioni, mi dici: - zittuti gran mascarzoni !

Ma ormai è me muglieri, nun c’è chi fari,

ladia, brutta, ma…....................mi l’ha tiniri.

Cantata dal cantastorie Sancataldese Paolo Garofalo
E
ripetutamente cantata da “Taniddu ù blo

Sicilia scusa st'urtima cantata
mentri tu crepi sutta a lu folklori,
sutta muntagni 'i carta patinata,
sutta la mafia di li to' assessori.
Cu la me vuci tu non canci strata,
ca cu ti sbafa non havi lu cori.
Sicilia lu mé chiantu friscu e puru
a tia lu versu chi non hai futuru.

Supra di tia lu cielu è scuru scuru
di corvi accafuddatu e li rapaci
a morti ti lu sonanu 'u tamburu
mentri di tia si mustranu siguaci,
li carni ti li mancianu a spergiuru
friddi, a granfati, senza focu e braci.
Basta cu sti metafuri e allusioni:
ECCU LA MAFIA DI LA TRADIZIONI.

Non sunnu coschi, no, su' ASSOCIAZIONI
DI LA CULTURA ditti 'o capizzali
di li Cumuni, Pruvinci e Reggioni
e sucanu li minni cchiù vitali.
Parchi, istituti, musei, fondazioni
li feudi d'oggi su' d'u capitali
e in nomu di lu studiu gran parati
fannu 'i carretti, cannola e cassati.

E i pupi? Ecculi ccà, non vi scantati,
li veri paladini d'u teatrinu:
i CANTAUTORI, li fausi strazzati
cu la bandana 'n testa e lu cudinu,
'N ARICCHIA A LU PADRINU STA APPIZZATA,
NTA L'AVUTRA CI LUCI L'ORICCHINU.
VUCI E CHITARRI CI L'HANNU VACANTI:
"NON TI CURAR DI LORO E PASSA AVANTI!"

Iddi si spaccianu pi rapprisintanti
di la Sicilia vera popolari,
figghi d'u Vespru sunnu e li mandanti
a tutti 'i banni li fannu cantari,
dintra li scoli, tiatri 'mpurtanti,
a li turisti ci fannu i giullari.
Miliuna si nn'ammuccanu cu amuri
cantannucci a gran vuci Ciuri ciuri.

Ma c'è cu pensa ca su' tradituri
quannu decantanu st'Isula filici
senza la mafia, 'u pizzu e li turturi,
senza precari, incendi e nemici,
non ci su' scempi e non ci su' sciaguri
ma sulu u suli, u mari e li radici.
DI CANTASTORI VISTUTI MACARI
T'INFANGANU SICILIA, PARI PARI.

Sunnu li menestrelli di l'artari
di lu folklori e di lu patrimoniu
chi la Reggioni voli tutilari
scinnennu a patti puru c'u dimoniu.
Cunvegni ed abbuffati pupulari,
fistini comu fussi un matromoniu.
SICILIA TU SI' MJEVUSA SCHIACCIATA
NTA 'NA VASTEDDA SCHIETTA E MARITATA.

Canta la mafia di la pignulata,
d'a pasta cu li sardi e u piscistoccu,
di li panelli e di la capunata,
di sfinci e buccuneddi cu lu coccu,
la mafia duci comu ciucculata,
comu lu Neru d'Avula baroccu.
LA MAFIA ORA FICI UNA MAGIA
E LA CHIAMAU ENOGASTRONOMIA!

Però pi fissa non mi piagghiaru a mia
cu st'invenzione della tradizione,
la mé puisia non havi etnia
e a li mafiusi cala i pantaloni.
A MIA MI PIACI L'ANTROPOLOGIA
SENZA ORECCHINI E SENZA PATRIMONI;
LI CANTASTORI CHI CANTANU 'N CHIAZZA
L'INTRIGHI CCHIU' SCHIFUSI DI STA RAZZA.

Mentri si pigghia 'u suli nta tirrazza
d'u Granni Hotel cumprisu nta l'ingaggiu,
la mafia d'u folklori ddà ci sguazza,
c'u na granita fa l'idrumassaggiu.
Iu inveci ora mettu la curazza,
non cantu cchiù ma lassu stu missaggiu:
LA TRADIZIONI 'A MAFIA L'HA PINSATA
PI TENIRI 'A SICILIA 'NCATINATA!

Sicilia scusa st'ultima cantata
mentri tu crepi sutta lu folklori,
sutta muntagni 'i carta patinata,
sutta la mafia di li tò assessori.
Cu la mé vuci tu non canci strata
ca cu ti sbafa non havi lu cori.
SICILIA LU ME' CHIANTU FRISCU E PURU
A TIA LU VERSU CHI NON HAI FUTURU.



Spero di non aver sbagliato e v'invito a riflettere

Soggira e nora ma chi minghia cci nesci fora


Mi maritavu e ‘ngalera mi sentu, chi mala soggira ca accapitavu,
ci avissi fattu quarchi tradimentu, o puramenti ci avissi dittu no.

Donna ‘ngrasciata, donna scilarata, mi lu scurciasti sta gioia di figliu,
mi lu scurciasti comu un cunigliu, ora cu mia nun ccià parlari cchiù.
E grattatilla cu la grattalora, chidda ca avi Mondina misa fora
e grattatilla cu la grattalora, quantu lu mali ti nesci pi fora.


Magara siti e magarii faciti, quannu muriti a lu ‘nfernu vi ‘nni iti,
quannu muriti a lu ‘nfernu vi ‘nni iti, e dopu morta magarii faciti.
Nun mi lamentu no di vostru figliu, ca vostru figliu è omu di travagliu,
ma vui siti ‘na donna di curtigliu e ‘mmucca cciatà mettiri un stuppagliu.

Donna ‘ngrasciata
Lassa ca veni stasira me figliu, ci l’ha cuntari tutta la passata,
ci l’ha cuntari tutta la ragiuni, t’ha fari dari lignati c’un vastuni.

La monica dispirata

Sula sula ''ntra stu lettu
li nuttati aju a passari:
nuddu giuvini a stu petto
a mia tocca d''abbrazzari.

Sticchio miu rispittuseddu;
senza minchia ca ti strigghia!
sulu sulu un iditeddu
ca li labbra ti cattigghia;

ppi tia certu cci vurria
un battagghiu di campana,
ca la forma pigghiassi
di na grossa minchia umana.

si pulito e graziusu,
nudda lingua mai t''allicca
nuddu cazzo impituusu
d''intra a tia mai si cc''inficca.

Quanti fimmini a stu munnu
cci su'' stati e ci sarannu,
ca minchiati ''ntra lu funnu
nn''annu avuto e n''avirannu.

Ed iu sula ventu abbrazzu,
si mi votu e mi stinnicchiu,
mai non trovu nuddu cazzu
pri ficcallu ''ntra stu sticchiu:

cci nni sunni ''ntra quarteri
grossi minchi di surdati
ca ''ntra d''iddi lu darreri
si lu pigghiunu arraggiati.

''Ntra cunventi cci nni sunnu
beddi minchi rancitusi,
non avennu nuddu cunnu
si li minano oziusi:

''ntra campagni, rocci e margi,
cci su'' certi viddanuni,
ch''ànnu minchi ccu li jargi
peju assai di li stadduni.

E tu, stichhiu, li disii,
comu l''erba a marzu pioggia;
svinturatu lacrimii,
non c''è cazzu ca t''alloggia.

Minchia mia de stu miu cori,
''nzuccarata minchia mia!
stu me cori spinna e mori,
suffrirà senza di tia.

Fusti fatta ''ntra lu munnu
di na provvida natura,
pri ficcarti ''ntra lu funnu
d''ogni nata criatura.

Quali fimmina po'' stari
senza sticchiu arriminatu?
Non è nenti lu mangiari,
ppi cui futtiri ha gustatu.

setti fimmini e un tari' -
.
o mamma ti vugliu raccuntari chista storia
la storia di na canzuna senza testa e senza cuda
ti chidu pi favuri di stari attenta e nun parlari
se no pirdu lu fili e pua mi puzzu 'mpidugliari
o mamma mia ti prigu nun mi battiri li mai

-lu tari' e' preputenti, setti fimmini e lu serpenti

lu serpenti avi la cuda, setti fimmini e na mula

-e la mula jetta canci, sette fimmini e na fanci

e la fanci avi lu pizzu, setti fimmini e lu marbizzu

-e lu marbizzu avi l'ali, setti fimmini e un canali

e lu canali jetta l'acqua, setti fimmini e na vacca

-e la vacca avi li corna, setti fimmini e na donna

e la donna voli ballari, ncapu la vara di matru natali

-e la donna voli ballari ncapu la vara di mastru natali

:Siti chiù bianca assai e di la ricotta

E 'ntra lu mezzu muddicusa tutta.

Siti comu 'na ficu burgisotta;

Veni lu ventu e v'annacati tutta.

Ma viri ch'è 'mportuna a sta picciotta:

Ci dicu 'un ammuttari er idda ammutta!

Veni lu tempu ca sintiti la botta

Ca ieu scoppu 'ncapu e idda sutta

star: